投訴：車站多違泊警疏於執法
公共交匯處變私家車停車場，警方「唔踢唔郁」被指執法不力！文先生為烏溪沙居民，常在烏溪沙站公共交匯處乘搭小巴，惟每晚均發現有逾十部私家車違泊，嚴重阻礙小巴上落客及途人出入。「啲小巴埋站嗰陣真係好危險，違泊咁嚴重，警方都只係擺個警告牌，有冇搞錯！」文指有關「違例泊車可被檢控」告示牌毫無作用，質疑當局疏於執法。
警方發言人表示，接獲本報查詢後，已立即派員調查並採取執法行動。
沙田區區議員湯寶珍狠批警方執法不力，直指警方應主動與運輸署商討解決違泊方法，「警方唔執法，市民咪以為可以泊囉，結果仲愈泊愈多！」湯認為警方倘發現上址交通有問題，可與運輸署聯絡，執法之餘再加設道路使用指示，以杜絕違泊行為。