政情：陳聖澤多得內地豪客
內地豪客湧港消費，高檔奢侈品成搶手貨，名錶及珠寶供不應求。在政商界人脈廣博嘅恒和珠寶集團主席陳聖澤（Charles），日前出席貿發局香港國際珠寶展時坦言，佢入行超過五十年，從未見過珠寶業如此好景，皆因個人遊貴客花費豪爽，一拋逾百萬甚至逾千萬元掃貨，絕不手軟。
旗下有兩間珠寶店位於鬧市嘅Charles話，佢哋經營唔少內地豪客，生意額如火箭飆升，令恒和盈利大躍進。佢仲聽聞有珠寶行家遇上超級大豪客，一開單就是過千萬元，此情此景，稱得上係珠寶業大時代，難怪佢笑得咁happy喇。
政府打算向市民派發六千元，Charles帶頭做好榜樣，未收到筆錢已開定五千元支票捐畀慈善團體，為善最樂。