財爺鬍鬚曾早前講過會注資入關愛基金，幫助未有資格領取六千元嘅新移民，但具體安排仲未定。不過，關愛基金督導委員會福利小組主席周永新已開會研究呢筆「未來錢」點使，包括研究向低收入家庭提供一次過租金資助，又向五萬名貧窮兒童發放午膳津貼及向嚴重殘疾人士提供生活津貼等，涉及金額達二億多元，較原定預留嘅一億元多出逾一倍，睇嚟財爺開定庫房找數都得嘞！