郭老太救子「攞埋棺材本」

警方接手調查郭家勒索案後，派遣高級督察吳宇凡假扮郭炳湘夫人郭李天穎的私人助理黃先生，在○九年十二月二日致電勒索信上寫着的手機號碼，不過未能接通。之後他發短訊留言，表示郭太已收到信件，對方在十二月四日才來電回覆。控方指稱，來電的匪徒便是本案五十八歲首被告陳威行。

在這段長約八分半鐘的對話當中，陳威行自稱姓張，開門見山表示：「當初呢我哋係攞十億，你哋就話呢個要股份，呢樣嗰樣，買賣嗰啲嘢咁！唔方便，你哋手頭上畀六億我哋，有四億就話分期畀我哋嘅。」當高級督察吳宇凡訛稱他是「細郭太」（郭李天穎）所聘之私人助理，遇事要跟細郭太商量，陳即表示：「你最好同大郭太（郭炳湘母親郭鄺肖卿）講，大郭太揸主意……『嗰陣時』佢話連棺材本都攞埋出嚟，用家族名義同我哋傾偈嘅。」此外陳又說：「你問吓呢個細郭太佢個先生，我哋係咩嘢人，佢當初有乜承諾，佢就知……首先你證實我係邊個先得嘛，係咪？」

張子強

郭鄺肖卿

郭炳江有參與講數

吳趁機表示，「如我話畀佢聽張生張生，佢會唔會唔記得邊個？我諗佢未必記得邊個！」陳遂回答：「佢知唔知？佢又話有病又剩啦。你問佢，佢當初臨走嗰陣時，同我約定有個英文字母嘅，就係最後一個英文字母『Z』，你問佢記唔記得呢件事，同埋佢食咩藥。佢胃痛食咩藥，我半夜三更都買藥畀佢食，呢啲無錯㗎喇……」

次被告聲稱，在元朗的公園觀棋時認識「牛哥」。（周亮恒攝）	控方指首被告是在上水北區公園涼亭與高級督察講電話，次被告亦在旁聆聽。 （鄭家如攝）	郭炳湘九七年被綁架時，二弟郭炳江亦有份與綁匪「講數」。

陳又透露，「係大郭太應承畀十個（指十億元）我哋嘅……嗰陣時有幾多人傾？大郭太、同埋阿……嗰個Thomas都有喺度……即係佢細佬、第二個細佬（指郭炳湘二弟郭炳江）呀！」此時吳一度誤以為對方是指細郭太的弟弟。

「死鬼老大」吩咐收錢

除綁架內情外，匪徒亦以暗示方式，聲稱他們是世紀賊王綽號「大富豪」張子強的同黨。首次通話之後，吳在十二月十五日再透過短訊聯絡，陳翌日才致電回覆，並向吳表示不滿郭家拖延付款，強申「我哋唔係普通人」，更指稱今次是「係我哋個死鬼、『死鬼老大』臨死前吩咐一定要收呢筆數！」當吳表示憂慮以後再有人來要錢，他更提出保證：「無人對得密碼，係得我哋知道個密碼，係得我哋圍內幾個人知道密碼，如果嗰啲人亂嚟，你鍾意點做都得！」郭家收到的勒索信，全部均寫有神秘「Z」字，與陳所講的脗合。

案件編號：HCCC 239/2010