中環出更：蔡關穎琴愛鮮艷St.John
做得福布斯富豪太太，衣着唔可以失禮，好似中華總商會會長蔡冠深太太蔡關穎琴咁，就鍾情St.John，早前出席中總新春酒會，蔡太以一襲紫色St.John套裝，配襯佢最鍾意嘅紫色Valentino花花手袋，搶晒鏡。
走遍各地享天倫樂
St.John有唔少名太粉絲，蔡太喜歡佢剪裁立體，款式古典簡約，能將肚腩、手臂肉等缺點掩飾得恰到好處，着上後盡顯S身段；不過唔係咩色都啱佢，要夠colorful至得，首選粉紅、紫色及橙色，着上後頓覺容光煥發，太沉嘅黑色、啡色，就免問嘞。
扮靚之餘，蔡太不忘照顧家庭。去年佢驛馬星動，陪家人走遍北京、上海、瀋陽、杜拜及歐洲旅行。佢笑言趁仔女們仲未拍拖，盡情享受天倫之樂，否則仔女長大後各有另一半，未必肯同媽咪去旅行。
講番美國著名品牌St.John，以高貴典雅設計風靡萬千名媛淑女，其新穎別致、獨特精巧嘅編織技術，展現百分百女士華麗嘅形象。