政情：張建宗畀升降機玩殘
立法會呢幾日最火熱嘅議題肯定非財委會交通津貼撥款申請莫屬，勞工及福利局局長張建宗呢幾日盡最後努力，喺各大黨派中周旋，希望大家唔好支持職工盟李卓人提出嘅終止辯論動議。張建宗尋日同勞工處處長卓永興一早就去咗立法會同講到明支持押後撥款嘅民主黨開會，希望游說佢哋支持政府嘅建議。
民主黨開會後堅決支持終止辯論動議，而局長一行出門口亦即時畀大批記者包圍，佢重複一啲聽到悶嘅答案後本來想鬆人，但人算不如天算，部
竟然喺呢個時候閂門，搞到局長被迫答多傳媒三條問題先走得。
現場消息透露，張建宗隨員其實早就叫司機一收到電話就即時將車駛去門口，打算畀局長以九秒九速度閃人，點知連部都唔錫佢。張建宗下晝再返去立法會出席會議，走時竟然行咗立法會主席專用通道走人，今次佢哋醒呀，識得搵人㩒住部畀局長閃人，閂門時差啲夾到電台記者支咪添。搞到咁狼狽，睇嚟佢想個撥款申請可以順利通過都幾難囉。