投訴：葵芳邨滲水困擾住戶
沒完沒了的滲水問題最是惱人！李女士於○九年年底遷入葵涌葵芳邨，入伙後即發現洗手間牆腳持續滲水，經年未有改善後，近日更有鹽花積聚，「半年嚟整過幾次，就算鋪過廁所地台都仲係咁，牆腳仲有銹水漬，真係好煩！」
負責管理的卓安物業顧問公司發言人承認，去年至今共接獲李女士四度反映單位滲水，曾安排重鋪廁所地台防水層及大門外地台。近期已向李提出翻新洗手間牆身等工程，惟李拒絕有關建議並提出申請調遷，有關申請現已交由房署跟進。該公司會繼續聯絡李跟進及監督承辦商工程，確保有關問題盡快獲得解決。
葵青區議員梁志成指，滲水成因眾多，維修前須找出滲水源頭方能對症下藥，否則重鋪地台亦只是治標不治本之法，更對住戶造成滋擾，「住戶既然提及有鹽花積聚，唔排除同牆身入面嘅鹹水管滲漏有關，好應該去埋樓下單位全面檢查，搵到係因乜嘢原因滲水至得！」