政情:許曉暉教囡囡捐利是

新正頭除咗係利是嘅好機會,原來更係教小朋友理財嘅好時機。民政事務局副局長許曉暉(Florence)就同我哋自爆,話除咗會幫兩個囡囡儲起啲利是錢,仲會鼓勵佢哋將一部分捐去畀慈善機構,等佢哋養成儲蓄嘅好習慣之外,更學懂布施精神喎。

小朋友咪亂花錢

Florence日前出席民政事務局新春酒會時,直言自己忙於四圍拜年,今年都冇機會外遊。作為家長嘅佢,亦不忘同我哋分享教女之道,自爆咁多年嚟,一直都有幫兩個囡囡儲起啲利是錢,希望趁機培養出儲蓄習慣,仲話大女人仔細細已有儲蓄戶口,遲啲仲會幫細女開番個。

除咗儲蓄,Florence仲會向兩名囡囡講解唔同慈善團體嘅服務宗旨同對象,鼓勵佢哋主動將部分利是錢捐出,幫助有需要嘅人。不過佢明言唔會畀小朋友用利是錢買自己鍾意嘅嘢,事關佢認為小朋友學識搵錢之前,唔應該亂花錢喎。

Money18新功能「18好路數」為你預測心水股票升跌機會率