中環出更：項明生遊不丹體驗人生

向來寓工作於娛樂嘅Sony Computer Entertainment Hong Kong Ltd市場部總經理項明生（James），月初去咗有「快樂的窮國」之稱嘅不丹旅行兼寫作，話咁快已完成旅程，急急同卓妮分享今次旅遊樂趣。James遊不丹印象最深刻嘅，除咗坐車沿途睇到嘅「藍寶石」天空外，仲到訪較為原始嘅城市Punakha，入住過萬元一晚嘅頂級度假村。
項明生到訪不丹城市Punakha嘅Amankora度假村途中，經過一條經幡飄揚嘅吊索橋。 （項明生提供）
項明生到訪不丹城市Punakha嘅Amankora度假村途中，經過一條經幡飄揚嘅吊索橋。 （項明生提供）

James話，Punakha好偏僻，未去到已天黑，中途要轉乘吉普車，再喺森林內行幾分鐘，忽然傳來天籟歌聲，悲切傷感，好不容易才到了不丹最頂級嘅度假村Amankora。Amankora係由一個農戶大宅改建而成，只有八間房，房間外觀傳統，但內部裝修非常豪華，每晚要美金一千四百元（近一萬一千港元）。

欣賞歌舞 享受美食

度假村嘅晚餐有西餐及五道菜嘅不丹餐供應，西餐食材由挪威空運而來嘅三文魚及日本吞拿魚，而不丹餐則以素食為主，包括不丹人最愛嘅辣椒。晚餐前會舉行雞尾酒會，供住客們寒暄。不過，James最欣賞係，用餐之餘，在旁有不丹歌手大唱民歌，又圍住佢跳民族舞，仲可以一邊上網，令佢享受一頓四小時嘅豐富不丹晚餐。

不丹「巴羅峽谷」曾獲選為全球最值得到訪嘅旅遊景點。
  • 不丹「巴羅峽谷」曾獲選為全球最值得到訪嘅旅遊景點。
項明生穿着不丹民族服裝，體驗同享受不丹呢個人間樂土。
  • 項明生穿着不丹民族服裝，體驗同享受不丹呢個人間樂土。
影星梁朝偉同劉嘉玲都選擇喺不丹舉行結婚儀式。
  • 影星梁朝偉同劉嘉玲都選擇喺不丹舉行結婚儀式。

晚餐後已夜闌人靜，餐廳庭中嘅營火已熄滅，改而點起無數煤油燈，引領James返回房間。房間暖氣充足，仲提供熱乎乎嘅暖水袋，令佢暖在心頭。

James仲發現，被子上有份小禮品，係不丹青年發展基金會婦女人手製嘅絲綢書籤，原來每晚房費部分已捐贈用作不丹嘅可持續發展，覺得好有意義。

卓妮

《on.cc東方互動》推出全新購物網站《生活購物》，大量賀年及婚禮用品3折起發售。