投訴：食署玩殘觀塘花市
年宵市場啟市在即，市民正興致勃勃計劃行花市、辦年貨。不過，去年才遷往康寧道的觀塘年宵市場，卻有攤檔東主指食物環境衞生署未為年宵新址作足夠宣傳，令去年入場人數銳減，今年更繼續限制檔戶卸貨時間及地點，叫一眾檔主叫苦連天。立法會議員與區議員均直指食環署作風官僚，未能因時制宜予民為便。
觀塘遊樂場現正進行改建工程，由去年開始，年宵市場已移師康寧道遊樂場舉行。有多年出售年花經驗的陳先生表示，去年觀塘年宵「移位」後，人流即大幅減少，但食環署卻對檔戶諸多限制，更限制每檔每日僅有半小時卸貨時間，令陳先生非常頭痛，「我有超過一千盆年花年桔，半個鐘邊夠？」
長命斜大量搬貨難
陳早前已向食環署建議，回復以往做法，將貨車駛至檔前卸貨，以便節省卸貨及搬運時間，但遭一口拒絕，「佢哋話安全問題，但成日就有佢哋嘅外判貨車喺個場入面駛嚟駛去！」為求自救，陳惟有集合員工以「螞蟻搬家」方式將年花運至場內，惟因康寧道球場外圍屬「長命斜」，難以運送大量年花，「我哋運咗幾轉都因為條路太斜冇辦法再搬！」對於食環署寸步不讓，陳大表不滿。
儘管陳先生去年曾多次向食環署提出意見，期望今年的安排能作改善，結果依舊失望而回。最近陳接獲食環署通知，當局將承襲去年規定，由年廿五（即一月廿八日）開始，每日每檔只有半小時的卸貨時間，年廿九及年卅則只有十五分鐘，令陳非常勞氣，「今年又係咁，點解食環署唔考慮吓我哋嘅需要？」
食環署發言人回應事件時只說，按去年經驗，現時年宵市場內的指定卸貨區已足夠應付攤檔卸貨物需要，但仍會密切留意有關安排及視乎實際情況，與攤檔負責人協調。
「唔係舊年做過就代表今年一定要跟番做，既然有市民投訴過，點解唔試吓改善？」立法會食物安全及環境衞生事務委員會委員王國興直指食環署的做法極不合理，反映官僚作風不改，要求食環署必須作出改善，以便利檔戶，他說：「花市一年先搞一次，可以做得好啲嘅地方一定要改善！」
處理不當一意孤行
觀塘區議會環境及衞生委員會委員柯創盛亦指食環署處理不當，「冇理由試都未試過畀檔戶駛架貨車入去就拒絕」，認為食環署制訂新規定仍需考慮實際情況，一意孤行並未能解決問題，「唔係規定咗就唔可以改，可以考慮吓實際情況同需要！」
記者 梁少儀