「福建幫」頭領、全國政協委員盧文端每逢大節日都會外遊歎世界，嚟緊農曆新年都唔例外，一如往年帶埋太太、囡囡、外父同外母一家到上海間別墅度假，年三十晚仲約埋當地親戚去旗下酒店食團年飯。
盧文端話，上海嘅農曆新年氣氛好濃厚，到處都放煙花，喜慶洋洋，咁啱佢愛女又鍾意放煙花，所以每年都會買幾千元煙花到別墅大花園放，一家人玩得好開心。
