煙蒂箱不足易惹火警
自禁煙範圍擴大至露天公共交通交匯處後，尖沙咀天星碼頭露天巴士總站及有蓋行人通道亦已劃為禁煙區。不過，陳先生不滿當局劃設禁煙區後，並未提供相關配套設施，「禁煙區出面明明可以食煙，但個個垃圾桶都冇煙灰盅，啲人就咁丟煙頭落垃圾桶，好易火燭！」
食物環境衞生署發言人指出，鄰近上述禁煙區的梳士巴利道及廣東道上，已經分別放置三個附有煙蒂盅的廢屑箱及兩個煙蒂箱，當局會按街道情況及需要放置適當的煙蒂箱。
油尖咀區食物及環境衞生委員會委員孔昭華認為，現有煙蒂箱離禁煙區太遠，「嗰度係可以食煙，就應該按需要加番個煙蒂盅。」孔又指上述禁煙區外垃圾桶常有煙蒂滿瀉，認為在旅遊區有礙觀瞻，建議當局加設煙蒂盅，並加密清理煙蒂盅。