皮費狂加 客人漸少 「嗰日唔蝕算偷笑」

目前全港七成多的公共小巴都是綠色專線小巴,俗稱「紅頂」的紅色小巴只剩下一千二百多架。面對車租加、燃料費加,「開工成本」直線上升,部分紅色小巴司機慨嘆,要維持生計十分艱困,「做足十二個鐘,扣除開支都係賺二、三百蚊!依家啲客仲愈來愈少,嗰日唔蝕都算偷笑!」

禁區愈來愈多

每天早上七時,紅色小巴司機杜先生已經在上客,「依家皮費愈來愈貴,但係做一個客先得幾蚊,唔早啲開工,做夠一個對(十二小時),又點維到皮!」杜先生續說﹕「車租收六百,入氣錢又要四百,開工嗰日,就預咗畀成千蚊出嚟!」

近期燃料價格愈來愈高,更令一眾紅色小巴司機百上加斤。另一位小巴司機吳先生無奈地說﹕「石油氣價每個月都逐啲逐啲加,但咁多競爭,又有地鐵,車費都唔敢加,惟有自己食埋個差價!」他又指出,現時禁區愈來愈多,生意更難做,「成條街得一個位上到客,但如果在禁區上落客,收一張告票罰四百五,嗰日等於白做!」

想跟阿叻一同切磋賽馬心得,立即登記參加「靈活至叻爭霸戰」啦!

Money18新功能「18好路數」為你預測心水股票升跌機會率