領匯閘機低玩殘司機

領匯停車場入閘拍卡機器太低,令不少貨車司機難以入閘。貨車司機阿東經常使用鳳德停車場,但是每次均出現驚險鏡頭,「個入閘拍卡機好低,次次入閘都要落車拍卡,好唔方便!」阿東更指出,由於入閘機與貨車距離太窄,部分司機「怕麻煩」,會一手扶着車內把手、以半身盪出車外拍卡,「一扶唔穩就跌」,因而險象環生。

領匯發言人表示,由於停車場有貨車及私家車停泊,為方便不同高度的車輛拍卡入閘,上述入閘機高度合宜。

「領匯嘅入閘機的確係唔方便貨車司機!」貨櫃運輸業職工總會副主席謝浪認為,領匯停車場不少閘口應認器設位置過低,令駕駛大型車輛的司機入閘時出現困難,「其實最好加多一個高啲入閘器,方便大車入閘!」

Money18新功能「18好路數」為你預測心水股票升跌機會率