社民連陳偉業及黃毓民近日夥拍多個團體成立新組織，誓要喺未來區議會選舉狙擊白鴿黨。陳偉業話期望派出二百名「死士」出選，即使輸晒都唔緊要，而佢就會狙擊白鴿黨主席何俊仁。
鐵頭仁聽到消息後好淡定，話如果陳偉業係為咗贏佢嘅，佢會尊重，但若果佢只係想攬住白鴿黨死，咁就等同建制派B隊。佢仲話，既然社記已當白鴿黨係建制派，佢哋同民建聯兩個建制派互砌，唔使佢哋做「架樑」喎。
