中環出更：珠姐45歲全力搵真銀

本身係大律師嘅珠姐尋日喺一個電台節目中，分享佢喺八十年代同時擔任、行政局、立法局、市政局同區議會議員嗰陣嘅點滴。佢話當時律師方面嘅工作，已交低咗畀其他人做，自己就花咗十年時間做公職。光陰轉眼就過，珠姐深有感觸話，無論做幾多年議員都好，若然連自己嘅生計同退休金都顧唔掂，一樣無人放自己在眼內，所以決定喺四十五歲之年同自己講，永世都唔再全職做公職！

珠姐表露完心迹之後忍唔住笑笑口耍冧話，自己咁講太功利主義。其實俗語有云：人不為己、天誅地滅，為自己將來打算都唔係太過分啫，相信現時好多政界人士，對珠姐呢番話，都深有體會！不過咁，做議員都有薪津，唔係完全做義工，但做社會服務就係千真萬確。