政府施政口口聲聲「民心我心，繁榮共享」，然而，事實擺在眼前，庫房水浸，民間多艱，尤其低下階層，政府明顯「關愛不足」卻吹水有餘，難怪政府民望下跌，形象插水。睇怕邊個唔想撈或想提早退休嘅藝人影星，大可以同政府高官一齊拍輯宣傳片，咁就贏得「樣衰口臭最沾污獎」，今後邊度都唔使去，想唔提早退休都唔得喇！
調查指，逾七成受訪青年不相信政治人物講真話。當然，政治人物不講真話係常態，本不應大驚小怪。可是，「不講真話」也不能經常講來講去都係官腔廢話，太不長進了！
舉個例，日本民主黨前代表小澤一郎出席國會議員宴會時，被發現脖子上貼了一塊膏藥，小澤一郎解釋說：首相說話說得很亢奮，對於來自自己戰友的指摘，我感到十分寒心，同樣的話說了一個半小時，我只好聽，結果把脖子給扭了。一塊膏藥就老作一段「歷史真相」，陷菅直人於「不義」，小澤一郎厲害也。
回頭看我們的高官，大多語言無味，舊調重彈，唔派糖都悶出鳥來，鬍鬚曾便是最佳例子。早幾日，佢出席中華總商會舉辦嘅活動時，又暗示「唔派糖」，又再祭出「應使則使」、「自己並非守財奴」廢噏。目前低下階層最需要政府開倉派米解困（點止派糖咁簡單），佢卻廢噏當盾牌，無視民間的訴求與議員的詰責，他們要政府體貼民心，真正的去扶貧，而不是一味龜縮，攬住金山銀山卻冷血的高叫「應使則使」！
鬍鬚曾，畀啲新意唔派糖理由喇！老朽寧願你也貼塊膏藥，然後笑說：係自家嘅，不是公家嘅，應使則使！