投訴：食肆枱椅阻街滋擾居民
陳先生為灣仔居民，所住單位面向寶靈頓道，每日黃昏過後即有食肆將大量枱椅放出馬路及行人路，阻塞情況非常嚴重，「佢哋霸佔行人路同馬路已經好多年，啲車因為過唔到就成日響按，搞到好嘈，我哋好夜都瞓唔到！」
食環署發言人表示，已經常派員巡視上址及採取突擊檢控行動，過去三個月已向上址非法擴展營業範圍的三間食肆負責人共提出六宗檢控。
當區區議員鍾嘉敏狠批食環署執法不力，並指該處食肆阻街問題已持續近廿年，更有愈來愈嚴重之勢，「嗰度好似無王管咁，啲食肆之前霸佔行人路只係擺一行枱，最近再擺多一行，搞到連車都行唔到！」鍾又不滿食環署一直放任食肆違法，三個月只有六宗檢控的數字更反映處事敷衍，「食肆晚晚都有阻街，檢控數字點會得咁少？」