馬鞍崗村范婆婆：晏晝坐喺屋企度，地下突然震咗幾秒，跟住聽到『砰』一聲，仲以為係啲貓跳咗落嚟，跟住出去鄉公所度坐，同啲人講起，先知係地震，不過我都唔驚嘅！
廈村鄧先生：地震發生嗰時我坐喺屋企梳化度，突然聽到好似『隆隆』聲，都維持咗十幾秒，跟住我即刻換衫出村口，聽啲女村民講，話啲屋好似搖過，啲狗都表現唔尋常，係咁大聲吠！
