由演藝界轉投政商界嘅袁彌明（Erica），同男友楊先生感情似乎好穩固，事關近期經常見佢哋公開撐枱腳，有晚又見佢哋同一名女友人喺銅鑼灣間「五代同糖」歎甜品。
卓妮見Erica沿途小鳥依人咁一路翹住男朋友，有講有笑。問Erica係咪經常幫襯呢間甜品店，佢就話第一次去食，試咗個心太軟，覺得好好味。見佢哋拍拖已經夠晒甜，食埋甜品就更甜上加甜。
