教育學院捲入剝削員工醜聞，被投訴外判保安公司要員工簽署比原有薪金少約一千元嘅新合約，唔簽署即代表離職。教院校長張炳良尋日出席2010年公營部門改革研討會後被記者問起事件，佢對投訴表現得茫無頭緒，話前晚先至從傳訊部同事口中得悉投訴，尋日要返教院了解。
張炳良話唔清楚投訴，但又好精靈，記得科技大學同嶺南大學都係用相關保安公司，仲話會了解吓兩間大學嘅情況。張炳良咁講咪變相爆行家料？
