早幾日傳出廣播處長黃華麒因為健康理由，明年二月約滿之後唔再續約。黃華麒喺上海世博出席尋日起一連五日舉行嘅香港周開幕禮時，無正面回應呢個傳聞，只係話廣播處長係由政府任命，適當時候自然會有公布。再問佢身體狀況係唔係其中一個佢自己考慮嘅因素時，黃華麒答得好玄，只係話架車行得耐都要維修，唧吓油抹吓火嘴，莫非佢暗示會退下火線？