政情:德成局長不知畢業生疾苦

施政報告提出成立青年服務團計劃,資助高中或大專生利用投身職場前嘅一段時間去內地做義工,民政事務局局長曾德成尋日撰文硬銷,話歐美一早有類似嘅gap year(空隙年),加上港府會向參加者提供埋生活及交通津貼,鼓勵青少年多多參加。多啲做義工當然係好,但香港唔同歐美,不知幾多大專、大學生畢業之後孭住政府一身債,還十年先還得清。德成局長與其吹噓計劃可以點樣擴大年輕人視野,不如先幫班後生仔減輕負擔先啦!