行會成員兼鄉議局主席劉皇發被指涉嫌漏報買樓圖利及炒賣「摸貨」，撞啱發叔訪台在外，一直未為事件解畫，惹來政壇中人竊竊私語，但立場各有不同。同為行會成員嘅民建聯立法會議員劉江華一於冇面畀，斬釘截鐵喺電台話，既然政府已通過打擊摸貨，行會成員就一定要配合。反而之前有同黨之誼嘅自由黨前副主席莎姐周梁淑怡對發叔事件嘅態度就輕手好多，叫大家聽吓發叔解釋先；至於發叔應唔應該辭去行會一職，都唔應該咁快下定論喎。