建築廢料棄街食署塞責
建築廢料堆放沙田正街多日，食物環境衞生署竟以「未有發現」為由拒絕處理。沙田居民林小姐不時會路經上址，早前發現有大量建築廢料被棄置，「有一大堆碎石就咁擺喺度，有啲已經畀人踢散咗，行過跌親邊個賠？」林指正街附近有多個大型屋苑，亦設有街市，平日行人如鯽，擔心胡亂棄置建築廢料將令途人履險。
食環署發言人回應查詢時，竟指「未有發現」，並稱建築廢物棄置則應由路政署負責。有關回應令林小姐大為不滿，「咁大堆建築廢料都話睇唔到，真係離晒譜！」
沙田區區議員兼衞生及環境委員會委員梁志堅狠批食環署未覆行責任，有關回覆亦不能接受，「有投訴唔即刻去睇，過一排就梗係冇發現啦！」梁認為食環署接獲投訴應即時處理及跟進，而非坐視不理，逃避責任。