對於香港阿Sir因帶子彈彈殼出境，一度被菲律賓警方「扣查」，黎Sir話，仲未有時間安慰嗰位阿Sir，但就大讚香港公務員ＥＱ高，即使有阻滯，亦會理解，最緊要都係嗰句，就係「本住個心、辦好件事」；仲話政府喺今次事件獲得市民支持，對佢哋都係一種鼓勵。
至於香港同菲律賓喺處理人質事件同查案嘅手法，黎Sir就好得體咁講，佢話香港人有香港人嘅做事方式，對方亦有對方嘅文化，好似橙同蘋果咁，兩者無得比較。
啱啱同一眾副局政助由上海返港嘅黎Sir憶述，九四年都去過浦東，當時嗰度只係一片爛地，估唔到十六年後嘅今日，浦東高速發展。佢又盛讚洋山港規模龐大，值得去睇一睇咁話。