廿二位國際御廚上星期旋風式訪港四日，上周四仲親臨「阿一」楊貫一位於銅鑼灣嘅富臨飯店品嘗靚鮑魚。咁啱得咁蹺，當晚卓妮喺飯店地下嗰層撞到福建社團聯會主席林樹哲嘅囝囝、保良局總理林潞，原來佢約咗朋友去開餐，林潞坐低後，飯店執行董事邱威廉親自招呼。不過，林潞只係柯打咗兩至三個餸，主要同朋友傾偈為主，大約食咗一個半鐘後就埋單走人，好爽快。
