奶粉黨九年前活躍西九
【本報訊】本報揭發南亞奶粉黨呃錢後，引起極大回響。康樂及文化事務署在事件曝光後急急「補鑊」，即時在奶粉黨出沒地方加派人手巡查。在長沙灣執業已有十二年的醫生亦向本報力證，報道相中所攝得的奶粉黨成員，早在九年前已活躍於西九龍一帶，他亦因不虞有詐而成為受害人。
在長沙灣執業的陸偉亮醫生憶述，○一年某日，一名貌似南亞裔、以頭巾包頭的男子掩至診所，向其展示一張花花綠綠的過膠卡片，「矇矇矓矓間我畀晒啲錢個男人，仲去埋櫃員機㩒錢畀佢，可能畀佢催眠咗！」陸原以為有關奶粉黨已銷聲匿迹，然而，上月中旬奶粉黨再度出擊，向附近一間運動用品店職員「落手」。
「嗰日個男人又入嚟我間診所，但見到有閉路電視就掉頭走！」陸偉亮的父親和病人尾隨後發現，該名男子在離診所不遠的一間運動用品店停下，與職員阿穎（化名）聊天。阿穎憶述，該名南亞裔人士先說找老闆，隨即亮出一張印有幾何圖案的過膠卡片，又向她表示懂得「睇掌」，不肯離開，「佢仲拎咗一粒玻璃珠出嚟要我揸住。」但他見後面有一個伯伯（即陸父）不斷揮手，遂對該人生疑，該人自行離去後，有警察到場。
疑人曾帶署受查獲釋放
陸醫生指警方及後將該名男子帶返警署，惟警方翻查其護照後，便因其沒有犯事放人，「警方應承會同入境處講唔再畀呢個人入境，點解又會喺金紫荊呃人？分明冇做嘢！」警方發言人接獲本報查詢後，表示因資料不足未能即時回應，將積極跟進查詢。
康樂及文化事務署發言人則稱，自接獲本報轉介後，已增派人手到灣仔臨時海濱公園巡查，倘在場地發現有人涉嫌從事非法活動，會立即跟進及報警求助。