喺支持政改方案後，白鴿黨畀策動「公投」嘅公社兩黨鬧爆「賣港、賣黨、賣民主」，社民連仲連番質疑白鴿黨走向建制。白鴿黨喺政改方案獲立法會通過後，諗咗「三招」洗底，首先要向外盡量澄清同解釋白鴿黨喺政改轉軚嘅理由；其二係不接受政府委任公職，以免變咗死亡之吻；最後係搵一啲政策大聲反對，所以佢哋係咁狙擊天匯同樓市政策。
近日政府就施政報告進行諮詢，白鴿黨仲未敲定建議內容，就要諗計點樣反對。預計施政報告會交代房屋問題，斷估天匯同樓市政策都未必交到貨，咁佢哋就有反對嘅理由，一切都係因為白鴿黨騎虎難下，焗住要投反對票，以示同政府劃清界線，保住佢哋繼續扮演反對黨嘅角色。