政改一通過，大家都預咗政圈會大洗牌。尋日中聯辦副主任黎桂康就透過代表，喺工商界同胞十‧一籌委會會議上發表書面講話，呼籲工商界團結，盡早研究未來參與政治嘅模式，謀求共識，令工商界各個範疇嘅角色都盡快有定位。黎副主任苦心勸勉，都係希望大家喺政制上可以一早做好準備，砌好防護網，避免一實行普選就畀泛民主派有機可乘。但依家工商界只有自由黨同經濟動力有興趣參政，唔知最後係咪真係可以預防勝於治療呢？
