中環耳目：梁兆基揸鑊鏟自學變廚神

趙樓神最怕「炒燶」

至於梁兆基嘅百花春雞攞咗一個「創意家」同三個「味道家」獎，成績唔錯。趙樓神就最有速度，佢話賣樓最怕就係「炒燶」，所以控制火候好重要，難怪佢贏得「賣相家」獎嘅「富甲黃金雞」最快上碟，之後仲有時間去幫戰友打氣，好有風度。

梁兆基嘅百花春雞工序煩瑣，戴住手套嘅佢細心將春雞起骨，再釀入蝦膠，跟住隔水蒸再埋芡汁，過程冷靜，完全無受現場嘅緊張氣氛影響。佢話呢款菜式，係年前睇電視學番嚟，失敗多次，只有七、八次成功，不過辛苦都抵，事關味道好到評判梁文韜（韜韜）以為佢搵師傅嚟幫手。

放大圖片	「趙樓神」炮製嘅「富甲黃金雞」攞到「賣相家」獎，都算有交代。

拍過飲食節目嘅莫醫生，謙稱廚藝不及醫術，但見佢手勢好純熟，先將烏魚子煎到甘香再刨碎，跟住落鍋爆香蒜泥同Porcini菇，最後處理扁意粉，時間控制得宜，識食嘅鄧達智嚟評分時都忍唔住攞條意粉試食。另一個頒「精明家」獎畀佢嘅韜韜笑言莫醫生嘅材料經濟抵食，睇嚟莫醫生無話畀韜韜知佢除咗蒜頭同台灣烏魚子外，其他材料包括起鍋嘅橄欖油都係佢親自由意大利空運返嚟啫﹗

睇梁兆基將「百花春雞」上碟時嗰個嚴肅樣，顯得佢相當專業。	放大圖片	左起：梁兆基、莫樹錦同趙國雄三個大男人齊齊入廚施展廚藝，難得一見！ （徐家浩攝）

女將陳淑莊嘅「番茄海鮮意粉」亦攞到賣相獎，大會仲特別加個「滿頭大汗獎」畀佢添。