中環出更：陳晴潮戴熊貓閃石腕錶

卓妮問Judy隻靚錶喺邊度買，佢笑謂係朋友送嘅，所以唔知價錢或牌子，只知喺意大利特別訂製。佢解釋話，去年佢寫嗰本與「囡囡」晴晴嘅《兩晴相悅》勁好賣，首版五千本賣完之後加印咗第二版，所以朋友特別訂製呢隻咁特別嘅腕錶鼓勵佢。至於係邊位朋友，佢甜笑話唔方便講喎！

朱玲玲代夫撐羅寶文

Judy嗰隻熊貓錶設計好特別，錶面用黑白閃石鋪咗熊貓肥嘟嘟個可愛樣，想睇時間就要㩒右邊嘅掣，㩒一下會有紅色LCD燈以數字顯示時間，再㩒多下就顯示日期，啱晒追求時尚嘅潮人，搞到卓妮都想買番隻戴吓。

雖然Judy最愛熊貓，但佢同富豪酒店太子女羅寶文都係因為愛狗而認識，所以老友出新書當然要去捧場啦！除咗Judy之外，當日「最美麗港姐」朱玲玲都代老公去撐姪女羅寶文場，其他嘉賓仲有沙田區議員龐愛蘭、名媛趙曾學韞、保良局主席呂鈞堯等，羅寶文嘅社交手腕真係唔簡單！

放大圖片	朱玲玲（左）到書展撐姪女羅寶文出新書，寶文細心介紹自己本新作《5Q成才》。