速驗裝備茵茵隨時赴台

茵茵現時仍在廣華醫院兒童深切治療病房留醫，主診醫生吳國強稱，茵茵病情十分穩定，該院亦辦妥安排前往台灣的事前準備，隨時可赴台就醫，但仍需解決救援安排，「始終茵茵仲好細，身體好脆弱，唔係隨便就可以送，一定要萬無一失嘅情況下，先可以送佢去！」

蔡婆婆照顧孫女感觸

茵茵任職文員的母親每天為着「撐起頭家」而勞碌，而父親近日返內地辦理赴台證件，婆婆頓成「臨時替工」照顧茵茵。看到久別的茵茵，蔡婆婆一時感觸，「茵茵依家要插腸喉餵食，但佢成日去拉條喉，搞到又要插番，插完又要等四個鐘之後先食得嘢，真陰功！」蔡婆婆說時雙眼通紅。

另一方面，各界繼續為茵茵打氣，八旬長者徐婆婆捐出一千元生果金支持茵茵抗病魔，「我患過腸癌，六年前又跌斷腳坐輪椅，好明白病人有幾慘！捐錢幫到茵茵好開心！」海外讀者亦寄上祝福，加拿大的Jennifer為茵茵不幸難過，但相信讀者點滴捐助足以扭轉不幸，越洋寄上一百元加幣支票外，更附上祝福信，「祝茵茵早日康復，快高長大，成為可造之材，貢獻社會！」

就讀者無私的捐助，蔡太無限感動，「估唔到海外讀者都盡力幫手，BB真係好幸福，世界冇離棄過佢！我哋一定會教好佢，唔好辜負大家關心！」

東方日報慈善基金與太陽報愛心基金正全力跟進茵茵赴台安排，並將捐款作茵茵日後治療費之用。如有查詢，請致電36009988與本報聯絡。

捐款編號：11933

愛心承諾

‧林女士：「我有兩個BB，好明白父母感受！希望茵茵健健康康，茵茵媽媽要撐住呀！」

‧何女士：「我個孫女廿個月大，喺蘇州住！每次傾電話知道佢嘅趣事，就笑到合唔埋嘴！希望茵茵快啲好番，帶畀家人歡樂！」

‧廖先生：「啱啱喺內地做完嘢返香港，第一件事就係捐錢！雖然只係幾百蚊，都係小小心意，希望幫到佢啦！」

查詢電話：1,203個

累積捐款：$1,397,146.7