「機霸」女股民打傷阿婆
【本報訊】「機霸」女股民繼前日在紅磡一間銀行爭㩒股票報價機，涉嫌打傷一名老婦後，昨晨兩人在銀行狹路相逢，再因霸佔報價機爆發爭執，老婦被人批㬹毆打，更遭人辱罵：「你咁老，睇咩吖，死咗佢啦！」逞兇女股民則逃去無蹤。
被打傷婦人姓黃（七十七歲），習慣到馬頭圍道廿一號中國銀行分行㩒股票機睇股價，因人多擠迫，前日指斥一名約四十歲婦人霸佔報價機，雙方發生爭吵。混亂中，她被人揮拳打腫眼角，但未有報警。
昨晨十時許，黃婦如常到銀行㩒機睇股價，發現該婦人亦在場佔用一部報價機，她不值所為擠上前，擬伸手㩒機看股價，但對方用手㬹猛撞其身體，兩人再起爭執，黃婦被人謾罵。
消息稱，由於逞兇婦人連番打人，職員上前制止及報警，對方聞悉驚動警方，慌忙趁混亂逃去。警員到場時，已失去涉案婦人影蹤。黃婦因手臂痛楚，需送院治療。發言人勸喻股民使用報價機時，應該自重，避免影響他人。