政情：詩姐反擊踢爆白鴿送上門
以何俊仁為首嘅民主黨前晚發表報告，自揭與中央談判政改嘅過程，當中提及今年二月中首次接獲基本法委員會副主任梁愛詩來電邀約會面，啟動該黨與中央嘅政改對話。點知話口未完，詩姐尋日發表書面聲明澄清，強調早喺去年十二月，民主黨經雙方友好安排同佢食午飯，飯局上該黨表達希望同中央對話，佢先至開始做嘢向中央轉達佢哋嘅意願，然後喺二月中向該黨轉達中央回應。即係話，今次對話其實係民主黨主動提出要求先，唔係中央或詩姐主動「送上門」！
以何俊仁為首嘅民主黨前晚發表報告，自揭與中央談判政改嘅過程，當中提及今年二月中首次接獲基本法委員會副主任梁愛詩來電邀約會面，啟動該黨與中央嘅政改對話。點知話口未完，詩姐尋日發表書面聲明澄清，強調早喺去年十二月，民主黨經雙方友好安排同佢食午飯，飯局上該黨表達希望同中央對話，佢先至開始做嘢向中央轉達佢哋嘅意願，然後喺二月中向該黨轉達中央回應。即係話，今次對話其實係民主黨主動提出要求先，唔係中央或詩姐主動「送上門」！
