前日係立法會政改決戰第一日，各路人馬一早到立法會準備，卓妮都貢去睇熱鬧，仲見到工聯會黃國健（KK）一早去到立法會前廳玩電腦，不過睇真啲，屏幕上原來播緊一段美少女短片，KK本來一直都望住個屏幕，聽到卓妮叫佢就即時擰轉頭，有啲愕然。
不過佢澄清唔係上網睇女仔，只係啱啱坐埋去立法會擺喺前廳畀議員用嘅電腦，未睇清楚畫面就畀卓妮撞到，更加唔知係邊位議員開咗呢個畫面，認真無辜！KK話自己算係半個電腦盲，好多受歡迎網站佢根本上都未上過，平日喺立法會前廳亦只會上網睇新聞，大家千祈唔好誤會佢。
（林凱旻攝）
