法庭：偵探認貪錢同富婆一齊
城中知名富商的情婦向有性關係之私家偵探追討千七萬元案續審，私家偵探受盤問時直認與富商情婦Ｔ一齊「當然為錢」，但當中亦存在感情，又指當他的同事向Ｔ收錢爆料指他「結咗婚」後，即「有人做嘢」，除被追款外，他岳丈公司亦被人淋油。他堅稱千七萬元並非借款，但為免家人得悉事件及受影響，才寧願交還款項。
被告邵偉端昨直認貪心兼無骨氣，但多番強調並無用裸照、短訊及街招等「變態方法」恐嚇勒索Ｔ女士，更稱事件令他「無晒朋友亦無晒生意」，講述至此更眼紅紅兼作「哽咽」狀，他指家人大受影響之餘，邵離庭時更透露與妻子「分開咗」，至今無業兼「無晒打算」，故可能會就原告之惡意檢控構成之情感及收入損失作反申索。
邵作供時承認除收取Ｔ一千七百八十萬元外，Ｔ亦送他大量禮物，除「一大堆」名牌ＬＶ的衫、鞋、袋外，亦有超過二百件BOSS牌衣服，以及三隻勞力士名錶，惟他將全數禮物變賣套現用作購買心頭好。邵直言只向錢看，當被問及有否愛過Ｔ時，邵初斷言「無」，但又即時轉口風稱「有，有，因為佢真係對我好好！」
「有人做嘢」累及岳父
邵又稱自從有同事收取Ｔ錢出賣他，向Ｔ大爆他結婚一事後，Ｔ即拒絕接聽他電話，他成功透過友人致電Ｔ，明言「唔好影響我家人，我用過嘅錢可以畀番你」，不料女方怒言「唔係錢嘅問題」。相信事件因「感情問題」而起的邵聲稱，自此「即有人做嘢」報復，對方要他還款兼到他岳丈的收數公司淋油，亦曾為此報警。
邵強調千七萬元不屬借款，但被問及為何要將款項交還Ｔ時，邵即連聲嘆氣，並謂「我有付出我嘅所有嘢，但最終我真係用過佢嘅錢，佢不能將我塑造成一個變態嘅人」，為免妻子及家人得悉事件，故決定交還款項。與訟雙方之證人已完成作供，案件今日結案陳詞。
案件編號：HCA2229/2007