政情：黃鴻超訪美遇恐襲

黃鴻超喺個多星期走訪咗美國多間著名大學，期間仲抽時間同喺當地讀書嘅香港學生會面，趁機向佢哋介紹吸引海外學生在港升學嘅措施。黃鴻超此行雖然行程緊密，不過當地人喺星期六、日唔開工，所以佢可以藉此空檔喺市內遊覽，點知上周六途經紐約時代廣場，發現周圍泊滿警車，氣氛相當緊張，佢起初都不為意，點知返到酒店開電視睇新聞先知大件事。

相信大家仲記得上周六時代廣場發生汽車炸彈恐襲驚魂，如果成事，將係自九三年世貿中心造成六人死亡嘅小型貨車爆炸後，紐約最嚴重嘅汽車炸彈襲擊。

黃鴻超話，佢離開現場不久後警方就已經全面封鎖時代廣場，好彩只係虛驚一場。