政情：趙國雄報錯科讀社會學

樓神話，佢從小嘅志願都係做社工，但佢竟然喺報讀大學時，報錯咗社會學系而唔係心儀嘅社會工作學系，讀咗兩年先覺得愈讀愈唔對路。「我都係想做社工啫，點解要讀咁多理論？」科揀錯，佢學運照搞，當時嘅保釣行動、反渡輪加價嘅抗爭佢統統都有參與。

曾經都做過「熱血青年」嘅樓神，豈不好認同時下「八十後」青年難以上位嘅慘況？殊不知樓神竟然同社會各界大唱反調，話「七十後」比「八十後」更需要社會幫喎。樓神解釋，「七十後」已經卅幾歲，不但要照顧父母同小朋友，好多仲經歷過金融風暴添。樓神分析社會分析都咁細膩，睇嚟佢讀社會學都冇讀錯喇！