匯賢智庫立法會議員葉劉淑儀日前喺報章登全版廣告，炮轟發展局局長林鄭月娥為發展商推出降低舊樓強拍門檻，剝削小業主議價能力，娥姐尋日上電台斬釘截鐵話唔可以接受呢個指控，特別係來自一個佢以前非常尊敬嘅同僚兼上司。娥姐話，明白議員為民請命無可厚非，但成件事感覺好怪，因為佢身為局長，覺得自己都係為民請命喎；娥姐仲企硬話會奉行「三不」政策，即不撤回、不修訂、不重提。邊個先係為民請命，睇怕要等市民去判斷喇！