中環出更：周松崗樂用即棄保濕Con
今時今日，要解決近視同散光真係話咁易，除咗做激光手術之外，佩戴有框或者隱形眼鏡都一樣咁方便。上周日中午時分，卓妮就見到周松崗喺中環太子大廈嘅亮視點買隱形眼鏡。身為港鐵行政總裁嘅周松崗平時公務繁忙，估唔到處理私務一樣速戰速決，見佢入舖頭前後都唔使廿分鐘就搞掂埋單走人，相當爽手。
廿幾歲就開始戴眼鏡嘅周松崗因為貪舒服，由有框眼鏡轉戴隱形眼鏡。依家戴緊一日用完即棄隱形眼鏡嘅佢，猛話依家好方便，事關唔使再買藥水洗眼鏡。
周松崗戴開呢款係每日拋棄型隱形眼鏡，據聞利用有自然淚水般嘅水凝科技製造，令雙眼保持濕潤唔怕乾，即使全日佩戴直到除低，一樣可以保持自然濕潤。不過隱形眼鏡啱唔啱自己戴，喺戴之前都記得要問一問視光師嘅意見，千祈唔好亂戴。
卓妮