查住戶滲水兩部門鬥卸
大圍金獅花園住戶辛先生於去年初發現單位廚房天花有滲水迹象，即時向食物環境衞生署與屋宇署合組的聯合辦事處（簡稱滲水辦）投訴，惟至今仍未改善，「之前搵工人上門睇過，話可能同水管有關，叫我同水務署講，但係水務署又叫我搵滲水辦，總之就一個推一個！」
香港業主會會長佘慶雲批評滲水辦權力有限，加上內部協調混亂，令業主經常求助無門，「好多業主都係有冤無路訴，唔通下下都搵律師？」
食環署發言人解釋，去年二月曾為單位作色水測試後，結果未能顯示滲水源頭，屋宇署人員再進行測試後，亦證實天花已停止滲水。同年十一月再接獲辛之投訴，指天花再次滲水，現正等待測試結果。水務署發言人則稱，流量測試結果顯示單位內部供水系統沒有明顯漏水，已將個案轉介滲水辦跟進。
辛坦言對回應大為失望，「咁即係又再還原基本步，幾時先解決到？」