政情：陳茂波上車有血有淚

以前買樓只需畀一成首期，唔似依家咁要畀成三成，不過要買樓都唔係易事，阿Paul話三十年前自己仲打緊政府工，月入四千元已經唔錯，不過佢睇中一個五百呎嘅單位，當時售價二十九萬蚊，佢係家中老大，屋企要靠佢養家，單靠一份人工要供樓真係幾吃力，所以惟有打多份工，喺夜校教書每月多賺二千元，點知都係儲唔夠錢畀首期，最終都要問朋友借錢先可以買到個蝸居。

阿Paul公開自己嘅經歷，無非想勉勵年輕人唔好咁易氣餒，不過佢都深切了解到時下青年人嘅窘局，覺得政府要做啲嘢幫社會上嘅無殼蝸牛，好似適量復建居屋，但數目又不能太多，可以考慮一年推兩至三千個單位，之後再睇市場反應，再調節推出嘅居屋。