張太形容蔡生性孝順及熱心助人，常帶靚湯探望住護老院的母親，惟兩母子月領四千元綜援「唔夠使」，還常被索取家用，去年她曾情緒不穩入院，早前更曾因吵架後在公園泣訴：「我成日幫佢哋做嘢，點解仲要逼我？」

出事前與兒子契媽相聚

蔡生前好友翁太亦透露，蔡出事前兩小時約她及兒子契媽在茶餐廳相聚，蔡當時呻道：「我依家好窮，你哋當唔當我係朋友？」兒子契媽即時借她一百元，翁則負責埋單，蔡臨走前揚言：「等我出糧（綜援）再請番你哋！」

常與蔡婦母子見面的葵青區議員梁偉文稱，男童精靈乖巧，蔡則談吐和舉止溫文，「睇得出佢好錫個仔」。茶餐廳侍應「齡姐」指，兩母子每朝必來吃一份Ｅ餐，但跳跳紮的兒子常走出舖外玩貓，或跑往附近士多買零食，要母親喚回來乖乖進食，如今母死子失蹤，街坊均感惋惜。

至於男童放學後在寓所樓下託管的社區中心，社工陳小姐形容他「做功課慢啲」，但母子感情十分深厚，事前毫無先兆。而青衣商會小學明日將向全校宣布事件，會向有需要同學提供輔導。