「足足半年都開唔到窗、晾唔到衫不特止，成個夏天又焗又熱又多蚊，最慘就晚晚都驚有賊打劫！」李先生一家居於上址逾廿年，對半年來被困於棚架內生活滿腹牢騷。李指屋宇署兩年前曾要求屋苑維修外牆，直至去年七月才開始搭建棚架，卻久未有工人開工。

「搭咗棚咁耐啲衫就晾足喺屋企入面咁耐，棚架出面就堆晒垃圾，生晒蚊蟲都冇人理！」李又稱，早已發現承建商鑿去部分外牆準備維修，但其後無故停工，未幾其單位內牆即有滲水情況，令李與家人不勝其擾。

逾三百住戶一肚氣

事實上，受搭棚工程所「困」的住戶不止李先生一戶，整個屋苑共約有逾三百住戶亦同遭「圍城」影響，另一住戶陳太便稱，半年來曾多次親自向屋宇署反映，未料卻換來一肚氣，「我同屋宇署投訴咗好多次，結果乜反應都冇，都唔知佢哋點做嘢！」

記者曾就上述情況查詢屋苑業主立案法團，法團發言人以外牆業權屬另一間私人公司擁有而拒絕評論。至於涉及之私人公司，有關發言人亦拒絕就事件作任何回應。

監察不足迭生亂子

「冇理由畀幢大廈圍咗半年都冇人理，究竟屋宇署有冇跟進過嗰度嘅情況？」中西區區議員陳淑莊親自前往上述屋苑視察後，坦言對上址居民的遭遇深表同情。陳直指問題根源在於屋宇署對發出之維修令跟進不足，擔心政府再推出強制驗樓計劃後，舊樓維修會因協調及監察不足而迭生亂子，大廈被「圍城」情況亦將不斷出現，令居民難以安居樂業。

屋宇署發言人證實，曾於○八年一月向上述屋苑業主發出維修外牆命令，有關業主曾表示外牆有違建簷篷阻礙維修。

發言人又表示，現時上址大部分違建物已拆除，剩餘的少數違建物並未對外牆維修工程構成阻礙，有關業主亦已於去年十二月提交外牆勘測報告及維修建議，該署將繼續跟進上址外牆維修事宜。