財政司司長曾俊華前日發表任內第三份財政預算案，可惜三年來佢冇長遠目標亂派糖，對生活於水深火熱嘅「N無」人士冇關顧過。鬍鬚曾尋日喺電台畀「N無」人士圍攻，點知佢一味卸膊，初時話「呢個係一個深層次問題」，之後有個無嘢做、無樓、無攞綜援、無住公屋嘅「四無」人士質問佢點解多年都遺忘呢個階層，佢竟然叫對方搵社署幫手搵工。社署確實有個自力更生計劃，但對象係綜援戶，四無人士去社署搵工，實摸門釘都得啦。鬍鬚曾又搭錯線！