有「中電一姐」之稱嘅中華電力香港業務副主席阮蘇少湄（Betty），尋日以短直髮新形象主持中電全年業績發布會，今次係佢舊年八月因患乳癌告假以來首次公開亮相。以一頭秀麗短髮示人嘅Betty，同佢以前嘅形象好唔同，睇落靚咗又後生咗添！佢話依家身體好好，亦好開心可以重返工作崗位。佢一月初已經返咗工，每日返半日工，中電為佢度身訂造新職位，依家專責香港同華南地區嘅長遠策略發展，尤其是核電方面，所以冇以前咁忙，中電對佢都算有情有義！