自由黨副主席張宇人（Tommy）貴為飲食界立法會議員，對飲食講究不在話下，挑選朱古力亦好有品味，原來佢一直幫襯開尖沙咀麼地道冠華中心間中東沙特朱古力品牌Chocoline。Chocoline朱古力賣點係使用健康植物油，當中以玫瑰花香味朱古力最受歡迎，有種獨特花香芬芳，齒頰留香，咬落好有層次感，難怪Tommy愛不釋手，每兩至三個月就大量入貨。
Chocoline朱古力製作相當嚴謹，沿用瑞士及比利時等地嘅上等材料，再加入特別香料和油分，味道與一般歐美朱古力截然不同，味道除咗最受歡迎嘅玫瑰花外，有榛子、杏仁、香橙、拖肥及黑朱古力等，仲有最特別嘅辣椒味朱古力，每一千克約售一千元。Chocoline朱古力好味外，仲有出晒名嘅「蜜棗」，含豐富纖維，對腸胃好有益，為Tommy太太嘅至愛，鍾意將蜜棗放入麥皮一齊食，聞說有城中富豪嘅另一半都係捧場客。
卓妮