17/02/2010

播放本新聞相關短片

政情：娥姐唔恨發財恨升官？

好多打工仔都希望可以喺虎年升職加薪，發展局局長林鄭月娥日前上電台做節目時，就有聽眾恭祝佢升官發財，點知就嚇到佢眼都凸埋，連忙話：「我唔啱㗎！我做公務員嘅，唔應該恨發財！」該名聽眾立即轉為祝佢快啲升官，娥姐就哦哦冇正面回應。梗係喇！早前土瓜灣發生冧樓慘劇，娥姐毋須為事件問責下台，已經算係執番身彩，更何況係升官呢？相信就算娥姐真係有呢個願望，都唔敢爆響口。