財政司司長辦公室表示，鬍鬚曾尋日朝早其實已經登機，但因為前赴北京嘅班次混亂，唔知幾時先可以起飛，估計最快都要到尋日黃昏先有望抵達北京，所以索性取消行程。上京唔成，鬍鬚曾發揮阿Ｑ精神話，遲啲唔緊要，會安排另一個時間上去，另外金管局和財經事務及庫務局會直接與有關部委接觸。

今次已經係鬍鬚曾繼去年十月之後第二次無法敲開北京嘅門，事件唔單止令人感到離奇，仲好古怪添。